Vilhjálmur - stattu þig!

Nú vonum við bara að Sjálfstæðismenn burðist sem lengst með líkið í lestinni. Það skyldi þó aldrei fara svo að Sjálfstæðisflokkurinn færi illa út úr tveggja flokka ríkisstjórnarsamstarfi. Það er komin tími á það. Úrræðaleysi flokksins við að leysa eigin vandamál er algjört og hann geldur maklega fyrir það.

Síðan þarf bara að minna reglulega á það að spillingin er þarna alls ráðandi og m.a. borgarstjórnarflokkurinn sýnir það í verki að þar eru engar pólitískar hugsjónir eða markmið höfð að leiðarljósi. Þeir fulltrúar eru þar eingöngu til að maka eigin krók, og hugsa um það eitt að halda völdum.

Samfylkingin stærst allra flokka

Kanada - flóttamannanýlenda fyrir misheppnaða borgarstjóra?

Auðvita ver Villi þangað - hann þyrfti helst að fara strax til að kynna sér starfið og vera í læri hjá Markúsi.  Villi - farðu á morgun.

Markús Örn skipaður forstöðumaður Þjóðmenningarhúss

Tökum upp Evru - göngum í ESB á morgun

Helst fyrir hádegi á morgun.  Það myndi leysa margan vandann.  Til dæmis myndum við losna við Davíð Oddsson á eftirlaun og vonandi úr opinberri umræðu.  Hann kemur örugglega með ótíðindi á morgun og dæsi yfir heimsku þjóðar sinnar - þessi líka besservisserinn.  Það myndi leysa þjóðina undan ánauð kvótakerfisins og gefa því möguleika að nýliðun yrði í stétt útgerðarmanna í stað núverandi miðaldalénsskipulags.  Umfram allt myndi það losa heimilin undan helsi okurlána sem eru lögvernduð af misvitrum alþingismönnum, núverandi kerfi er óþolandi og virkar t.d. alls ekki sem hagstjórnartæki.  Þar sem stýrivextir eru notaðir sem hagstjórnartæki er ekki verðtrygging.  Þar taka neytendur lán á háum eða lágum vöxtum sem eru óumbreytanlegir þar til lán er að fullu greitt.

Hér á landi hækka eða lækka vextir eftir duttlungum Davíðs Oddssonar sem nú er að koma efnahag landsins upp á blindsker.

Kallar eftir skýrri evrustefnu

Ekki einu sinni nálægt Siglufirði

Þetta kemur örugglega ekki til greina af hálfu samgönguráðherra - þetta er ekki á leiðinni til Siglufjarðar.  Sennilega þurfa þessi gatnamót að vera þar til að þau komist í framkvæmt.  Sama hvað Villi og Gaukurinn (Ólafur F) segja.

Ég legg svo til að vegfarendur hætti að borga í Hvalfjarðargöngin ef ekki verður lagt á veggjald í Siglufjarargöngunum. 

Mislæg gatnamót á dagskrá

Villi - farðu heim

Manstu hvað þú sagðir um Þórólf Árnason á sínum tíma.  Hann var bara vesæll millistjórnandi sem gerði það sem fyrir hann var lagt, annars hefði hann verið rekinn.  Hins vegar sluppu yfirmennirnir vegna þess að löggjöfin um samráð var gölluð.  Það er náttúrulega út í hött að refsa fyrirtækum en sleppa stjórnendum sem taka ákvarðanir.  Það sama virðist ætla að verða uppi á teningnum í þessu REI rugli.  Nú er búið að kalla til siðlausan mann með 6527 atkvæði á bak við sig og gera hann að æðsta embættismanni borgarinnar.  Þar kom að því er virðist apaköttur í stað apakattar.  Hann ætlar að snúa Reykjavík til fortíðar og vernda allt sem hægt er að vernda.  Reyndar hlýtur hann að missa skrifstofuna sína ef hann er sjálfum sér samkvæmur.  Ráðhús Reykjavíkur er ljótt hús og algjörleg á skjön við allt í nánasta umhverfi þannig að það verður örugglega rifið - gott mál.

Varðandi þig Vilhjálmur þá lýsir það algjörum dómgreindarbresti að sitja áfram sem borgarfulltrúi - hvað þá oddviti.  Hins vegar má virða þér það til vorkunnar að sextettinn sem með þér er er höfuðlaus her sem stjórnar engu og verður væntanlega hent um leið og þér.

Ég vil samt að endingu skora á Sextettinn að víkja Vilhjálmi úr oddvitasæti og svipta hann öllum nefndarstörfum til að gera hann að minnsta kosti áhrifalausan.  Geir getur ekki sett sig upp á móti því eftir það sem á undan er gengið - mér þætti allavega gaman að sjá hann gera það.  Þið hafið allt að vinna - engu að tapa og komið ykkur svo að verki.

Vilhjálmur: Hamrað á því sem mér kemur verst

Fyrir hvern/hverja er oddvitasætinu haldið heitu

Ingu Jónu Þórðardóttur?   -   Varla

Guðfinnu Bjarnadóttur    -   kannski

Borgar Þór Einarsson    -   ætli það sé tilfellið? 

Alla vega trúi ég því ekki að Geir sé að vernda Vilhjálm af tómri væntumþykju

Geir: „Tek afstöðu þegar þar að kemur“

Ólafur F hlýtur að vera hrifinn.

Ólafur F Magnússon borgrarstjóraleppur Sjálfstæðisflokksins hlýtur náttúruleg að vera mjög hrifinn af því að sitja í skjóli lygara og loddara sem einskis svífst til að halda völdum.  Eins virðist sextettinn ákaflega sáttur og ánægður - hvað ætli sannfæring þeirra kosti.  Það gæti líka verið að þessir 6527 séu með óbragð í munni yfir því að hafa stutt Ólaf F til valda, en Ólafur F gefur þeim þá bara Ópal og fær sér sálfur tvær, ekki veitir af.

Vilhjálmur: Hef axlað ábyrgð

Prufublogg

Þetta er fyrsta bloggfærslan - ég er bara að athuga hvort þetta drasl virki