Hlusta kl. 11 á sjálfsmæringar Davíðs Oddssonar

Mikið verður gott fyrir þjóðina að heyra um heimsku mannanna þegar Davíð Oddsson mun kveða upp úr með heimsku annarra en sjálfs sín.  Þessi sjálfsskipaði sérfræðingur og alvitri bankastjóri sem var ráðinn til starfa að vel athuguðu máli þar sem hann sem sérfræðingur mat sjálfan sig sem hæfastan allra til að fara með stjórn peningamála í landinu.  Hann mun væntanlega segja frá því hvað aðilar atvinnulífsins séu barnalegir að halda að hægt sé að liðka til fyrir hóflegum kjarasamningum með því að lækka stýrivexti sem eru að sliga fólk og fyrirtæki í landinu.  Svo mun koma ræðan um heimsku þeirra sem vilja kasta þessari krónu hans.

Maður gæti bara gubbað ........

Óbreyttir stýrivextir

Athugasemdir

[Einar Örn Ólafsson (IP-tala skráð) 14.2.2008 kl. 10:00]

Davið Oddsson er með tugi hagfræðinga á bak við sig sem gera greiningar á verðbólguvæntingum og aðrar rannsóknir. Margir þeirra eru með doktorspróf í hagfræðum og eru með færustu í sínu fagi á landinu og þótt víðar væri leitað.

Það er því mjög skondið að lesa skriftir manna sem vita vart hvað hagstjórn er og eru að þvæla menn um heimsku sem eru að gera sitt besta til að halda niðri óða verðbólgu. Þú ert nú það gamall að þú ættir að muna eftir verðbólguárunum og hvaða afleiðingar það hafði.

Þjóðfélagið þarf líka að bera sína ábyrgð því það er langt síðan að merki um mikla verðbólgu fóru að gera vart við sig. Einkaneysla hefur lítið minkað þrátt fyrir það og þú segir að stýrivextir séu að sliga fólkið í landinu....afhverju? Af því að fólklið í landinu eyðir um efni fram og er að keyra heimilið á yfirdrætti. Þegar svona ástand er í þjóðfélaginu ætti fólk að leggja fyrir og nýta 13% innlánsvexti sem bankarnir eru að bjóða. Ekki myndi það sliga einn eða neinn?

Ég segi fuss um svei við svona einfeldinga.

[Jónas (IP-tala skráð) 14.2.2008 kl. 11:02]

*klapp* fyrir þér Einar Ö.

 Loksins einhver sem veit hvað er á bakvið þetta, fyndið að sjá bloggara landsins reyna að halda því fram að þetta sé bara "einhver" ákvörðun sem Davíð tekur einn.

Seðlabankinn á að stjórna, hann á EKKI AÐ LÁTA stjórna sér.